Алматы әуежайында рейстер жиі кешігетін болды

Карантин талаптары сақталса, рейс кешігеді. Осылай деген Алматы халықаралық әуежайының өкілдері терминал мен ұшақ арасында қатынайтын автобустарға байланысты енгізілген шектеу шараларын қайта қарау керек дейді. Себебі, денсаулық сақтау министрлігі 5 шілдеден бастап қоғамдық көліктердегі жолаушылар саны орын санынан аспауы керек деген талап қойды. Ал әуежай автобустарында небәрі 15 орын бар. Сондықтан ережені ескерсек, бір рейстің 200-ден астам жолаушысын ұшаққа дер кезінде жеткізу мүмкін емес, дейді әуежайдағылар.

Наталья Соколова, Халықаралық әуежайдың баспасөз хатшысы:

Егер қойылған талаптар қайта қараламаса, біз автобустарды пайдаланудан бас тартуымыз керек. Мұндай жағдайда жолаушылардың ұшаққа дейін жаяу жібереміз немесе телескопты басқышты пайдаланамыз.

Нұрхан Нұрланұлы