Биыл 18,2 млн тонна астық орылды

Биыл 18,2 млн тонна астық бастырылды.

Үкімет отырысында ҚР Ауыл шаруашылығы министрі Сапархан Омаров осылай деді.

«Биыл елімізде егін жинау жұмыстары уақтылы басталды. Өткен жылмен салыстырсақ, биыл егін жинау қарқыны жоғары. Бүгінде республика бойынша барлығы 14,8 млн гектардан астам дәнді және дәнді-бұршақты дақылдар немесе олардың жалпы жиналатын алаңының 93,4 пайызында егін жиналды. Гектарына 12,3 центнер орташа түсімділікпен 18,2 млн тонна астық бастырылды», - деді министр.