«Qazaqstan» ұлттық телеарнасы түсірген «Қаныш. Қазына» телехикаясы эфирге шығады

Бүгін «Qazaqstan» ұлттық телеарнасы түсірген қазақтан шыққан тұңғыш академик Қаныш Сәтбаев туралы «Қаныш. Қазына» тарихи телехикаясы эфирге шығады. 6 бөлімді туынды қазақ ғылымына өлшеусіз үлес қосқан ұлы тұлғаның өмірі мен еңбек жолына негізделген.

Туындыда XX ғасырдағы қазақ халқының тағдыры, арманы, мақсат-мүддесі, индустрияландыру ісін шетелдерден тәуелсіз етіп, қазақ жерінде қарқынды жүргізуге және кен өндірісін игеруге қарай басқан қадамдары көрсетіледі.

Түсірілім жұмыстары Нұр-Сұлтан, Алматы, Жезқазған, Сәтбаев қалалары мен Қарсақбай кентінде өтті. Туындыда Қаныш Сәтбаевтың рөлін актер Әсет Есжан, Таисия Кошкина (Сәтбаева) сомдайды.

Телехикая режиссері - Ерлан Нұрмұхамедов, сценарий авторлары – режиссер Әмір Әменов пен Ален Рахметалиев.

«Қаныш. Қазына» тарихи телехикаясы «Qazaqstan» телеарнасынан 27-29 желтоқсан күндері 20:35-те эфирге шығады.