Қасым-Жомарт Тоқаев: Жеке мүддесін көздегендер елде төңкеріс жасауға талпынды

Президент «Qazaqstan» телеарнасына берген сұхбатында Қаңтар оқиғасына тоқталды.

«Біз қаралы, қасіретті күндерді бастан өткердік. Тәуелсіздіктің 30 жылы ішінде көптеген сынаққа тап болдық. Оның бәрін ел болып еңсердік. Бірақ дәл осындай қарақшылардың қатігез әрекетін көрген жоқпыз. Еліне, жеріне адал қызмет ететін нағыз отаншыл адамдар мұндай әрекеттерге бармайды. Бұл - анық нәрсе», - деді Мемлекет басшысы.