Ұлттық арнада жаңа «Орман иесі» телехикаясы көрерменге жол тартады

Телехикая 23 жыл ғұмырын ұстаздыққа арнаған басты кейіпкер Төлеген Ыбыраев туралы. Ол мектепте физика пәнінен сабақ береді. Бір күні жалғыз ұлы, артынша жары қайтыс болып, өмірінің мәні жоғалады. Басына түскен қайғыны естіген досы оны ауылға шақырады. Осылайша басты кейіпкер ауыл маңындағы орман сақшысының көмекшісі болып жұмысқа орналасады.

Уақыт өте күтпеген қиындық пайда болады. Ауылға сырттан келген қылмыскерлер тұзақ құрып, аң аулай бастайды. Төлеген мен Болат орманды броконьерлерден қорғап қала ала ма?