Елімізде жыл басынан бері 44,7 млн тонна мұнай өндірілді

Биылғы жарты жылда елімізде 44,7 миллион тонна мұнай, сондай-ақ 30,1 миллиард текше метр газ өндірілді. Бұл туралы Энергетика министрі Алмасадам Сәтқалиев, Мемлекет басшысының қабылдауында айтты. Министр Президентке ведомствоның тұтынушыларды электр қуатымен және жылумен тұрақты қамтамасыз етуге бағытталған ірі инвестициялық жобаларды іске асыру жоспары жөнінде мәлімет берді.

Кездесу соңында Мемлекет басшысы жылыту маусымына дайындық бойынша тиісті жұмыстарды жүргізуді және ішкі нарықты мұнай өнімдерімен қамтамасыз етуді тапсырды.