Қазақстан-Ресей: Ынтымақтастықты дамыту туралы келісімге қол қойылды

Қазақстан-Ресей өңіраралық ынтымақтастық форумының аясында жекелеген өңірлер бүгін Ресейдің аймақтарымен ынтымақ туралы келісімге келді. Мәселен, Орынбор және Батыс Қазақстан облыстары, Омбы және Солтүстік Қазақстан облыстары, Омбы және Абай облысы, Башқұртстан және Қостанай мен Ақтөбе облыстары арасында меморандумдар бекіді. Сонымен қатар, Павлодар мен Новосібір облыстары алдағы үш жылға арналған ынтымақты дамыту бағдарламасына қол қойды. Оның аясында 30-дан астам түрлі шара көзделген.

Асайын Байханов, Павлодар облысының әкімі:

Экономикалық тұрғыдан біздің қарым-қатынасымыз өте тығыз. Новосібір облысының 300-ден астам компаниясы Павлодар облысында жұмыс істейді. Бұл жерде Павлодар облысының кәсіпкерлері мен Новосібір облысының кәсіпкерлерінің арасында дамыған серіктестік көрінеді. 

Индира Бегайдар