Түркістан облысында инвесторлар тартылып, жаңа жұмыс орындары ашылып жатыр

Түркістан облысында былтыр инвесторлар тарту жұмыстары жүйелі жүргізілді. Нәтижесінде 1 триллион 300 млн теңгенің жобасы жүзеге асуда. Екі мыңнан астам жаңа жұмыс орны ашылған. Іске қосылған ірі өндіріс орындарының қатарында тоңазытқыш, жаңбырлатып суару машиналары мен мектеп және медицина ұйымдарына қажетті жиһаз шығаратын зауыттар бар.

«Шағын өнідірістік парк» аумағында ашылған кәсіпорынның бірі - тоңазытқыш шығаратын зауыт. Күніне 60-70 дана тоңазтқыш құрастырылады. Әрі кәсіпорын жергілікті тұрғындарға тұрақты жұмыс беріп, 160-тан аса адам еңбек етеді.

Саят Өтегенов, учаске шебері:

Осы станок арқылы бірінші брендтер шығады. Шыныға арналған брендтер шығады. Және де сөрелерге арналған брендтер шығады. Оны мына станокта кесеміз. Оған да арнайы бағдарлама жазамыз. 

7 жыл бұрын ашылған арнайы экономикалық аймақта өндіріс орындары үшін қажетті инфрақұрылым тартылған. Бұл инвесторлардың жаңа зауыттар мен кәсіпорындар ашуына серпін беріп отыр.

Нұрлан Ердісүгіров, «Тұран» АЭА басқарушы компаниясы төрағасының орынбасары:

Біздің суб-аймақтарда жеріміз тегін беріледі, 43 жылға дейін суб-арендаға. Одан бөлек корпоративтік табыс салығынан босатылады. Құн салығынан босатылады. Кедендік салықтан да босатылады.

Биыл Қытай мен Корей елдерімен бірлескен инвестициялық жобаларды жүзеге асыру көзделген. Басымдық өңдеу өнеркәсібінде. Әрі өндіріс саласына құйылған әрбір инвестиция шағын және орта бизнестің дамуына септігін тизігеді.

Қанат Шонбасов, Түркістан облысы кәсіпкерлік және өнеркәсіп басқармасы басшысының орынбасары:

Жоспарымыз бойынша 57 жоба жүзеге асырамыз. Олардың ішінде шетелдің инвесторларымен қатысуымен 15 жобадай. Олар жүзеге асырылғанда 6 мыңға жуық жаңа жұмыс орындары ашылады. Қазір ол жұмыстардың бәрі басталып кеткен.

Аймақта отандық өндірісті дамытып, экономиканы әртараптандыруға басымдық берілген. Сондықтан өңірде 2025-2028 жылдар аралығында жүзеге асырылатын 85 инвестициялық жобаның пулы жасақталды. Олардың жалпы құны 2 трилион теңгеден асады.

Айнұр Әбілқасымқызы