Ұлттық банк қазақстандықтарға ескерту жасады

Ұлттық банк қазақстандықтарға жаңа алаяқтық схема пайда болғанын айтып, ескерту жасады. Банк құнды заттарды инкассациялау қызметін ұсынатын компаниялардың хабарламаларына сақ болу керек екенін хабарлайды. Себебі олардың арасында тиісті лицензиясы жоқ компаниялар көбейген. Атап айтқанда, өзге ұйымға берілген ҚҰБ лицензиясының реквизиттерін заңсыз пайдаланып жүргендер бар. Солардың бірі «Brinks» инкассация қызметі». ЖШС өз сайтында компания атауын осылай көрсеткен. Сол арқылы өз қызметінің заңды екенін көрсетуге тырысқан. Ұлттық банк өкілдері осындай ұйымдармен шарт жасасып, оларға құнды заттарды инкассацияға беруге болмайтынын айтады. Мұндай жағдайда оның лицензиясы бар жоғына көз жеткізу керек. Ұлттық банк сайтында орналастырылған тиісті лицензиясы бар ұйымдардың ресми тізілімімен танысу қажет.

Нұрсұлтан Тілектес