Су тасқынына қарсы дайындық жұмыстары пысықталды
Түркістан облысындағы «Шардара» су қоймасында қазір жиналған судың көлемі 85 пайыздан асқан. Бұл өткен жылдың осы кезеңімен салыстырғанда жоғары. Сондықтан мамандар су деңгейін тәулік бойы бақылауда ұстап отыр. Премьер министрдің орынбасары Қанат Бозымбаев, өңірдегі бірқатар су қоймасын аралады. «Бөген», «Бәйдібек ата», «Шардара» су қоймаларына әуеден визуалды бақылау жасап, судың мөлшері мен жайылуын қарап шықты. Аймақ әкімі мен жауапты басшылары су тасқынына қарсы дайындық жұмыстарын жеткізді. Мәселен, «Көксарай» су реттегішінің техникалық жағдайына байланысты қайта жөндеу жұмыстары басталады. Ал «Шардара» су қоймасы бөгетінің сейсмотұрақтылығын қайта құру мен нығайту жұмыстары аяқталған. Қанат Бозымбаев су нысандарына қатысты ұсыныстар мен пікірлерді тыңдап, су тасқынына және вегетациялық кезеңге дайындықты күшейтуді тапсырды.
Айнұр Әбілқасымқызы
Сондай-ақ оқыңыз
Барлығы
