«Дарбаза-Мақтаарал» теміржол желісінің құрылысы қызу жүріп жатыр

Түркістан облысының Сарыағаш ауданында жаңадан салынып жатқан «Дарбаза-Мақтаарал» темір жол желісінің құрылысы қызу жүруде. Қазір жұмысшылар Келес ауданына дейінгі аумақта жол салып жатыр. Бес ауданнан өтетін шойын жол Өзбекстанға дейін жалғасып, алыс жақын шетелдерге тауар тасымалдауға жол ашады. Оңтүстік жұртшылығы үшін маңызды саналатын құрылыстың барысын тілшіміз Айнұр Әбілқасымқызы көріп қайтты.

Айнұр Әбілқасымқызы, тілші:

Теміржол құрылысы Ердәуіт станциясынан басталып, 30 шақырым жерде жалғасып жатыр. Қазір арнайы техникалар жерлерді қазып, тегістеуде. Ал базбір сай жерлерге топырақ тасталып, шойын жолдың орны дайындалуда.

Ірі инфрақұрылымдық жобаның ұзындығы 152 шақырым. Темір жол өңірдің Сарыағаш, Келес, Шардара, Жетісай мен Мақтаарал аудандары арқылы өтеді. Құрылыс жұмыстары екі кезеңде жүргізіледі. Қазір мұнда жүзден аса жұмысшы екі аусыммен еңбек етуде.

Арман Аңсатбаев, Мердігер компанияның өкілі:

Бұл жаңадан салынып жатқан жоба болғаннан кейін топырақпен жұмыс істеу биыл аяқталады. Келесі жылы ғана көпірлер салынады. Водопропускной трубалар салынады. 160-170 адам осы жобада жұмыс істеп жатыр.

Құрылысы үш жылға созылатын теміржолға 286 млрд теңгеге жуық қаражат бөлініп, 19 700 тонна рельс төселеді. Шойын жол әлемдік стандарттарға сай салынады.

Нұрлан Нұрабаев, «Қазақстан темір жолы» ҰК АҚ басқарма басшысы:

Сырдария өзенінің үстінен ұзындығы 500 метрлік көпір жаңадан салынады. Мына автомобильный жолға параллельно түседі. Сырдарияның екі жақ бетінен тағы да түсетін 4 мост бар. Кішкентай көпірлер.

Шойын жолды салуға 360 адамның 700 гектар жері мемлекет мұқтаждығына алынды. Бүгінде егістік жерлерді бағалау жұмыстары толық аяқталып, әрбір шаруаға жерінің өлшемі мен пайдалану мерзіміне қарай өтемақы төлеу мәселесі шешілуде. Қомақты қаражат респубиликалық бюджеттен бөлінбек.

Жаңа теміржол желісі Мемлекет басшысы Қасым-Жомарт Тоқаевтың тапсырмасы бойынша іске асып жатыр. Әрі республиканың көлік-транзиті

«Сарыағаш – Ташкент» учаскесінен жүк тасымалын жеңілдетуге және Өзбекстан арқылы экспортты ұлғайтуға мүмкіндік береді. Яғни, транзиттік жол ашылып, отандық өнімдер Ауғанcтан, Тәжікстан, Түркменстан мен Иранға тасымалданады. Шойын жолдың құрылысы келер жылдың соңында аяқталады деп жоспарланып отыр.

Айнұр Әбілқасымқызы