Ұлы Абайдың мерейтойы: Шымкентте көркемсөз шеберлерінің байқауы өтті

Ақын шығармашылығын насихаттау мақсатында ұйымдастырылған сайыс үш кезеңнен тұрды. Оның алғашқысында байқау қатысушылары Абай өлеңдерін оқыса, онан кейін әндерін шырқап, «Абай жолы» эпопеясының үзіндісін мәнеріне келтіре айтып шықты. Оған 16 мен 29 жас аралағындағы жастар қатысты. Олардың арасында мектеп оқушыларынан бастап, колледж студенттері және әскери бөлім сарбаздары да бар. Қазылар алқасы байқау қатысушыларының шығарманы оқу шеберлігіне, қазақ тілінің орфоэпиялық нормаларын сақтап, таза сөйлеуіне айрықша мән берді.

Бекзат Асқар, байқауға қатысушы:

Мұндай жарыстар рух береді. Абайдың шығармасын оқуға шабыт береді. Абайдың жарысына қатысу - парыз деп білемін. Себебі Абай - ұлы ақын. Оны танып-білуіміз керек.