Қызылорда облысында жолда қалған 1200-дей жолаушыға көмек көрсетілді - «Qazaqstan» Ұлттық телеарнасы
Басты Жаңалықтар Қызылорда облысында жолда қалған 1200-дей жолаушыға көмек көрсетілді

Қызылорда облысында жолда қалған 1200-дей жолаушыға көмек көрсетілді

Қызылорда облысында кеше бұрқасын қар жауып, қолайсыз ауа-райына байланысты 900-ге жуық автокөлік жолда қалған. Түн ішінде патрульдік полиция экипаждары 1200-ге жуық жолаушыға көмек көрсетіп, жақын маңдағы кешендерге орналастырды.

Қардың соңы көктайғаққа ұласып, кеше 20:00-ден таңғы 05:00-ге дейін «Қызылорда – Жезқазған» және «Арал – Жаңақорған» бағытындағы тасжолдар жабылды. Осы уақыт аралығында 545 жүк, 342 жеңіл автокөлік пен 4 автобус трассада қалған. Оның ішінде алыс жолға шыққан шетелдік азаматтар да бар. Барлығы жылыту пункттеріне жеткізілген.

Әділбек Серікұлы

Автор
Редакция
Бөлісу