200 жұмысшыға құрмет көрсетілді

Ақтауда Қазақстан халқы Ассамблеясының 30 жылдығы аясында бірқатар шара өтіп жатыр. «Достық үйінде» этно-мәдени бірлестіктердің көрмесі ұйымдастырылып, тұрғындарға ұлттық тағамдар ұсынылуда. Сонымен қатар, аймақта ассамблеяның негізін қалаған тұлғаларға арнап, ескерткіш тақта ашылды. 

Ұйымдастырушылардың айтуынша шараның негізгі бөлігінде, «Қайырымдылық керуені» акциясы аясында 200-ге жуық жұмысшы маманға құрмет көрсетіледі. Яғни, сантехник, слесарь, аға мейірбике мен мейірбикелер, сондай-ақ, ұшақ апатында мәйітханада аяғынан тік тұрып қызмет істеген кіші қызметкерлерге алғыс айтылады. Ал жаңа ғана ескерткіш тақта ашылды.

Оған Маңғыстауда Қазақстан халқы Ассамблеясын құруға күш салған 15 адамның есімі жазылған. QR код арқылы олардың өмірбаянымен танысуға болады. Биылғы көрме де ерекше – 30 жылда дамудың 5 қадамы орнатылған. Бүгін сондай-ақ, ассамблея жастары қоғамдық көліктерде жолаушыларға құрт таратты. Шамамен 300- дей тұрғын қамтылған. Жүргізушілер мен кондукторларға да тәтті үлестірді. Ал, «Ана мен бала» орталығында жаңа туған 30 нәрестеге құрақ көрпешелер тарту етілді. Сонымен қатар, 30 ардагерге жылулықтың белгісі ретінде көрпелер таратылған.

Аягөз Оралбайқызы