Ассамблея мүшелері алғыс айтты

Алғыс айту күні бүгінде жай ғана мереке емес, халықтың менталитетіне сіңіп, игі дәстүрге айналды. Сенат депутаты, Қазақстан халқы Ассамблеясының мүшесі – Геннадий Шиповских осылай дейді. Ол барша қазақстандықты мерекемен құттықтап, алғысын айтты.

Геннадий Шиповских, Қазақстан халқы Ассамблеясының мүшесі:

Қазір күллі қазақстандықтар бір-біріне шын жүректен алғыс білдіріп жатыр. Біз бір-бірімізге ғана емес бүгінгі күннің қаһармандарына да айтамыз. Яғни бұл - құтқарушылар, медицина, полиция қызметкерлері. Жалпы біздің қауіпсіздігімізді қамтамасыз етіп жүрген азаматтарымыздың барлығы бүгінгі күннің қаһармандары. Сондықтан да бұл мейрамның маңызы өте зор. Шын жүректен бүгінгі мейраммен қазақстандықтарды құттықтаймын!