Барлық мектеп пен колледжде «ДОСБОЛLiKe» бағдарламасы енгізіледі

1 қыркүйектен бастап еліміздегі барлық мектеп пен колледжде «ДОСБОЛLiKe» бағдарламасы енгізіледі. Мақсат - балалар арасындағы буллингтің алдын алу. Бұл туралы Оқу ағарту министрінің орынбасары Еділ Оспан айтты. Қазір бұл пилоттық жоба ретінде 50 мектепте іске асып жатыр. Нәтижесі жаман емес. Былтыр балалардың қауіпсіздігін қамтамасыз ету мақсатында QR код арқылы жасырын жазбаша шағым қалдыратын жүйе іске қосылды. Бүгінге дейін оқушылар тарапынан 25 мың хат түскен. Әрбір шағым бойынша психологиялық кеңестер өткізіліп, қолдау көрсетілген, деді вице-министр.

Еділ Оспан, ҚР Оқу-ағарту министрінің орынбасары:

Құрылыс компанияларын терезелерге құлыптар немесе қауіпсіздік тетіктерін орнатуға міндеттейтін нормалар енгізілді, баланы қоғамдық көліктен мәжбүрлеп түсіруге тыйым салынып оған әкімшілік жауапкершілік көзделді. Бала құқықтары жөніндегі уәкілдердің институты нығайтылып, барлық өңірде өкілдер тағайындалды.

Динара Жарқынбек