Астанада «Жан Dostar: Бір аспан астында» VIII Республикалық өнер фестивалі өтті

Астанада «Жан Dostar: Бір аспан астында» VIII Республикалық өнер фестивалі өтті. Қазақстан халқы Ассамблеясының 30 жылдығына орай ұйымдастырылған байқауға еліміздің әр түкпірінен 500-ге жуық қатысушы келді. Жас өрендер елімізде тұратын түрлі этнос өкілдерінің әнін шырқап, биін биледі. Жалпы айтқанда, тағдыры бір арнада тоғысқан барша ұлт пен ұлыстың мәдениетін көрсетті. Мақсат - балалар шығармашылығын дамыту әрі өзара достықты нығайту,-дейді ұйымдастырушылар.

Шерзод Пулатов, ҚХА кеңес мүшесі:

Жас кезінен біз осы балдарға жақсы тәрбие берсек. Яғни олар осы байқауларда бір-бірімен танысып, бір-біріне деген сыйластықты арттырып, әр түрлі мәдениеттерді көріп, елімізде қаншама ұлт-ұлыстар бір халық болып тату тәті өмір сүріп келе жатырмыз деген ниетпен олар осындай тәрбие алады.

Ернұр Медет