Британ ғалымдар Қостанайда көне жәдігерлерді зерттеп жүр

Ұлыбританиялық ғалымдар қола дәуіріне тиесілі көне жәдігерлерді зерттеу үшін Қостанайға келді. Олар бірнеше архелогиялық жобаны қолға алды. 2017 жылы Қаратомар қорымынан табылған қола қазанның құрамын арнайы құрылғы арқылы анықтаған ғалымдар көне бұйым Батыс елдерінен жеткізілген деген болжам жасады. Алдағы күндері Қамысты қонысынан табылған қола бұйымдардың құрамын талдайды. 2021 жылы қазба жұмыстары қайта жанданған тарихи жерден осы уақытқа дейін 10 мыңға жуық артефакт табылған.

Миляна Радивоевич, Ұлыбритания UCL археология институтының докторы:

Бұған дейін батыс ғылымында қола дәуіріндегі дала халықтары металл өңдеумен айналыспаған, тек тасымалдаған деген көзқарас қалыптасқан. Бірақ біз Қазақстанның түкпір-түкпірінен өңделген бұйымдарды тауып, зерттеп жатырмыз. Мұндай ауқымда металл өңдеу ісі бұған дейін Еуропада болмаған. Бұл – археология әлеміндегі жаңа білім.

Мәдина Нағашыбай