Жеңістің 80 жылдығына арналған тарихи кітаптардың тұсаукесері өтті

Жеңістің 80 жылдығына арналған үш кітаптың тұсаукесері өтті. Оқырман назарына тарих ғылымдарының докторы Өмірзақ Озғанбай мен Құрметті ардагер Көпболсын Бекмағанбеттің бірігіп шығарған «Өтті жылдар – отты жырлар» кітабы мен Тарихшы Жұмабай Доспановтың «Қару мен қалам» еңбегі, сондай-ақ, «Жеңіс жауынгерлері» атты жинақтар ұсынылды. Тарихи туындыларда соғыс жылдарындағы қазақ жауынгерлері мен майдангер қаламгерлердің тағдыры суреттеледі. Басылымдар архив деректері мен сирек фотоматериалдармен қамтылған.

Баянғали Әлімжанов, Ақын, Қазақстанның Еңбек сіңірген қайраткері:

Олар өздерінің кеудесімен өз өмірлерін құрбан қылып, осы елді жерді қорғап қалды. Қаншама батырлар шықты, қаншама белгісіз батырлар кетті. Қаншама адам мүгедек боп , тағдыры бұзылыпы елге келді. Біз мұны ұмыта алмаймыз. Біздің әдебиетімізде осы әңгіме тұнып тұр.

Динара Жарқынбек