ЖИ-ді үйрету бойынша халықаралық жазғы мектеп басталды

Astana IT University қабырғасында жасанды интеллект бойынша халықаралық жазғы мектеп басталды. Бұл - заманауи технологияларды және ғылыми дағдыларды дамытуға арналған бес күндік оқыту курсы. Биыл екінші мәрте ұйымдастырылып отыр. Жоба еліміздің жасанды зият саласындағы әлеуетін арттыратын, отандық мамандар мен әлемдік сарапшылар арасында терең байланыс орнатуға мүмкіндік бермек. Бағдарлама аясында Қазақстан, Еуропа, АҚШ және Оңтүстік-Шығыс Азия елдерінен келген 30-дан астам сарапшы тәжірибе алмасады. Курс соңында қатысушыларға арнайы сертификат табысталады.

Четин Эльмас, Гази университетінің профессоры /Түркия/:

Қазақстанда жасанды интеллект жақсы дамып келеді. Былтыр мұндай жазғы мектеп Алматыда болған, биыл Астанаға келдік. Курс екі бағытта өтеді. Біріншісі - тек қарапайым өмірде жасанды зиятты қолдану. Ал екіншісі - кәсіби түрде, терең оқыту. Мен осы туралы, жасанды интелектіні әртүрлі салада қолдану, машиналық оқыту туралы айтамын. Әртүрлі бағдарламаны меңгеру, замануи технология арқылы нәтижеге тез қол жеткізу жолдарын үйретемін.

Ернұр Медет