А.Бублик ATP 250 турнирінде жеңіске жетті

Қазақстандық теннисші Александр Бублик Швейцария өткен ATP 250 турнирінде жеңімпаз атанды. Бұл оның топырақ төсенішіндегі алғашқы жеңісі. Отандасымыз шешуші сында әлемдік рейтингте 109-орында тұрған, аргентиналық Хуан-Мануэль СерунДолоға қарсы ойнады. Бірінші сет 6:4 есебімен Бубликтің пайдасына шешілсе, екінші сетте дәл осындай есеппен аргентиналық спортшы есепті теңестірді. Шешуші партияда Бублик қарсыласқа мүмкіндік бермей, 6:3 есебімен жеңісті жұлып әкетті. 2 сағат 7 минутқа созылған бәсекеде Бублик 13 эйспен бірге 14 брейк-пойнттың төртеуін өз еншісіне жазды. Осылайша, Алекстандр әлемдік рейтингте 30-орынға қайта оралды. Сондай-ақ жарыста 91 мың еуро табыс тапты.

Асылбек Данияр