Ірі сауда нысандарын сақтандыру жүйесі енгізіліп жатыр

Зардап шеккендерге келтірілген залалды өтеу үшін ауданы 2 мың шаршы метрден асатын сауда нысандары сақтандырылады. Азаматтық қорғау саласындағы жаңа заң нормаларына осындай өзгеріс енген. Бұл туралы бүгін Төтенше жағдайлар вице-министрі Кеген Тұрсынбаев айтты. Бұдан басқа, төтенше жағдайлар қаупі туындаған немесе болған кезде халықты жедел хабардар ету саласына да маңызды өзгерістер бар. Атап айтқанда, жедел-кезекші қызметтің жауапты өкілдері уәкілетті лауазымды тұлғалардың алдын ала бұйрығынсыз хабарландыру жүйесін өз шешімімен іске қоса алады. Мұндай қадам жедел шешім қабылдап, халықтың қауіпсіздігін жоғары деңгейде қамтамасыз етпек.

Кеген Тұрсынбаев, ҚР Төтенше жағдайлар вице-министрі:

Баяғыда ондай сақтандыру жұмысы болған жоқ. Қазір енді өзге елдерде болып жатқан жағдайларды еске алып, алдын ала жұмыстар өткіздік. Ертең өрт болса біреулер мерт болса, қайтыс болса кім жауап береді?

Нұрсұлтан Тілектес