Ақтауда этномедиация форумы өтті

Ақтау қаласында этномедиаторлардың республикалық форумы өтті. Жиында бас қосқандар этномедиацияны бейбіт диалогтың тиімді құралы ретінде дамыту, медиаторларды даярлау, құқықтық ағарту және ведомствоаралық ынтымақтастықты жетілдіру мәселелерін қарастырды. Форумға сала мамандары, Қазақстан халқы Ассамблеясының өкілдері, мемлекеттік қызметкерлер мен ғалымдар қатысты. Шара барысында өңірлік тәжірибелер мен сарапшылардың баяндамалары қамтылатын панельдік сессиялар өтті.

Шерзод Пулатов, ҚХА Республикалық этномедиация кеңесінің төрағасы:

Этномедиация аясында біз 3 бағыт бойынша жұмысымызды атқарамыз. Біріншісі – ол алдын алу жұмыстары. Сонымен бірге, мәселелер туындаған кезде оны шешу жұмыстарын атқарамыз. Мәселе шешілгеннен кейін, ары қарай реттеу және оның себептерімен жұмыс істейміз. Біздің халқымыздың арасында татулық бар. Бірақ сол татулықтан айырылмау үшін және күшейту үшін осы бағытта біз жұмыс істеуіміз керек.

Темірлан Нұрсолтан