Теріскейде 228 кандидат тіркелді

Бүгін ауылдық округ әкімі лауазымына үміткерлерден өтініш қабылдаудың соңғы күні.

Солтүстік Қазақстанда әзірге 228 кандидат тіркеліп үлгерді. Олардың 70-і әйел адамдар. Өңірде 13 аудандық сайлау комиссиясы жұмыс істеп тұр. Осы жолғы тікелей сайлауда өңірдегі 70 ауылдық және аудандық маңызы бар Мамлют қаласының әкімі сайланады. Қазір мамандар сайлаушылардың тізімін нақтылауға кіріскен.

Жаңылыс Бижанова, учаскелік сайлау комиссиясының мүшесі: 

Мамлютка қаласы 4-ке бөлінеді. Біздің учаскемізде 1610 сайлаушы бар. Қол қойылып, бекітілген тізімді алдық. Қазіргі күнде өзіміз танысып, жұмыс жасап жатырмыз. Мекен-жайын ауыстырған кісілерді анықтап жатырмыз. Үйме-үй кіріп, сайлаушыларды нақтылап, сонымен халықпен жұмыс істейтін боламыз.